10.07.2018 - L'avanzament cun siglientadas cuntinuescha bain

10.07.2018 -  L'avanzament cun siglientadas cuntinuescha bain -

Entant èn sbuvads passa 4 900 da totalmain 5 860 meters dal nov tunnel da l'Alvra. Quai correspunda ad 83 pertschient da l'entira lunghezza. La perfuraziun è previsa l'atun 2018.

Il material da sbuvada adattà dal tunnel vegn reutilisà tranter auter sco material d'emplenida d'auta qualitad per la nova lingia a dus binaris da la Viafier retica tranter Bever e Samedan.

Ils planisaders ed impressaris participads sa fatschentan gia cun las preparativas per la fasa da construcziun sequenta «revestgiment/construcziuns internas» e l'avertura dal tunnel l'onn 2021. Tenor la mesiraziun pon ins quintar cun ina divergenza da maximalmain 50 millimeters per la perfuraziun planisada. Per far questa mesiraziun han ins endrizzà sin omadus mauns dal tunnel mintgamai ina rait cun tschintg puncts fixs da mesiraziun ed eruì la divergenza a moda fitg precisa cun in sistem da navigaziun basà sin satellit (GPS). En il tunnel mesir'ins anguls e distanzas cun tachimeters da laser. Questas mesiraziuns èn la basa per la calculaziun da las coordinatas che fa l'inschigner da mesiraziun.