19.09.2018 - La perfuraziun s'avischina

Trais onns suenter il cumenzament da las lavurs da tunnel s'avischina la perfuraziun. Mardi, ils 2 d'october 2018, festivescha la Viafier retica en in act festiv – ensemen cun tut quels che han participà al project – la perfuraziun dal nov tunnel da l'Alvra.
I mancan mo anc paucs meters fin che tut il grip dals avanzaments da Preda e Spinas è sbuvà. 116 onns suenter la perfuraziun istorica da l'emprim tunnel da l'Alvra ils 29 da matg 1902 s'avischina ussa la segunda perfuraziun dal massiv da l'Alvra. La Viafier retica, l'ARGE NAT II e tut quels che han participà al project cuntanschan in proxim term impurtant.