Tgirar, controllar e planisar: il champ commerzial infrastructura
En servetsch per 384 kilometers binaris: il champ commerzial infrastructura è responsabel per ils projects da mantegniment e da sanaziun sco era per las construcziuns novas sin la rait da lingias da la Viafier retica e procura uschia per in manaschi da viafier speditiv e segir.
612 punts, 115 tunnels, 42 galarias, 103 staziuns e var 900 stgomias dovran tgira. Mintg'onn investescha la Viafier retica actualmain radund 150 milliuns francs en projects da mantegniment e da renovaziun ed il champ commerzial infrastructura metta la basa per ch'ils trens possian circular a moda segira, punctuala e fidada. Da di e da notg s'engaschan passa 200 collavuraturas e collavuraturs en set secturs spezialisads per questa finamira.
Servetsch da viafier nord/sid
Responsabel per las lavurs da mantegniment constantas, procura che las lingias sajan avertas ed accumpogna tecnicamain ils projects da renovaziun.
Indrizs electrotecnics
Construescha e tegna en funcziun tut ils sistems electrics en ils suandants secturs: energia e lingias electricas, indrizs da segiranza, bassa tensiun e telecommunicaziun sco er indrizs a cabel.
Construcziuns d'art
Controlla e surveglia il stadi da las punts, dals tunnels e da las galarias, planisescha e realisescha divers projects da mantegniment e da renovaziun.
Logistica/servetschs
Planisescha ed organisescha la construcziun maschinala dals binaris sin l'entira rait da la Viafier retica.
Planisaziun/regulaziun
Coordinescha ils projects d'investiziun annuals da tut ils plans d'infrastructura ed elavura la planisaziun a media vista.
Realisaziun da projects
Responsabel per transfurmaziuns e renovaziuns pli grondas da staziuns, passadis da viafier u trajects cun lingias da viafier a dus binaris.
Stab / segirezza a la lavur / biro d'administraziun
Accumpogna e controlla en cas da dumonda da la segirezza a la lavur e sin il plazzal, s'occupa da las finanzas dals projects e sustegna las collavuraturas ed ils collavuraturs en las pli diversas dumondas administrativas.
