Cifras e fatgs davart il nov tunnel da l'Alvra

Cifras e fatgs davart il nov tunnel da l'Alvra -

Il nov tunnel da l'Alvra vegn planisà gia dapi in temp detagliadamain. Ina curta survista da las pli impurtantas cifras, dals fatgs e da las fasas da project planisadas durant l'entir temp da construcziun.

planisaziun e realisaziun

       

12 onns (2011 – 2022)

temp da construcziun

       

8.5 onns (2014 – 2022)

lunghezza dal tunnel da l'Alvra II (nov tunnel)

       

5 860 m

lunghezza dal tunnel da l'Alvra I (vegl tunnel)

       

5 864 m

colliaziuns traversalas cun il tunnel da segirezza

       

12

autezza dal tunnel a partir da l'ur sura dals binaris

       

5.44 m

ladezza dal tunnel mesira interna

       

5.76 m

pli aut punct dal tunnel

       

1 821 m s.m.

sveltezza maximala pussaivla en il tunnel

       

120 km/h

cubatura/volumen dal stgavament

       

244 000 m3 (mesira cumprimida)

trens ad onn

       

passa 15 000

Fasas da project

2006

 

   

 

L'inspecziun principala dal tunnel scuvra grevs donns vi da la construcziun dal tunnel e grond basegn da recuperaziun quai che reguarda l'equipament dal tunnel

           

2008

 

   

 

In studi conceptual preschenta pussaivladads per renovar integralmain l'infrastructura

           

2009

 

   

 

Inschigners e spezialists survegnan l'incumbensa d'elavurar preprojects tenor ils concepts «renovaziun» e «construcziun nova»

           

2011

 

   

 

Decisiun en favur da la construcziun nova

           

2011

 

   

 

Lantschada dal project construcziun nova tunnel da l'Alvra II

           

2012

 

   

 

Examinaziun dal sulom e lavurs preparatoricas

           

2013

 

   

 

Il project d'exposiziun vegn inoltrà a la Confederaziun

           

2014

 

   

 

La VR survegn la lubientschda da construir. Las lavurs preparativas cumenzan uffizialmain cun l'emprima badigliada il zercladur: avertura dals plazzals, optimaziun dal tunnel da l'Alvra existent, preparaziun da la surfatscha da deponia a «Las Piazzettas»

           

2015

 

   

 

Ils entagls preliminars als portals dal tunnel vegnan realisads e las lavurs da tunnel a Preda e Spinas cumenzan

           

2016

 

   

 

La furmaziun da Raibl vegn perfurada

           

2017

 

   

 

La perfuraziun dal grip è terminada; i cumenzan las lavurs a l'intern dal tunnel

           

2018

 

   

 

La construcziun brutta dal tunnel è terminada

           

2019

 

   

 

Construcziun dal vial stabel ed installaziun dals indrizs electrotecnics, sco lingias electricas e cabels

           

2020

 

   

 

L'installaziun da la tecnica da viafier vegn terminada ed i suondan fasas da test cun ils indrizs

           

2021

 

   

 

Il nov tunnel vegn avert

Renovaziun dal tunnel da l'Alvra existent e transfurmaziun en in tunnel da segirezza

           

2022

 

   

 

Il tunnel da segirezza è pront

Per amur da l'ambient, da nossas ragischs e da noss uffants

Per amur da l'ambient, da nossas ragischs e da noss uffants

La construcziun d'ina infrastructura sco quella dal nov tunnel da l'Alvra influenzescha era la cuntrada circumdanta, l'ambient ed ils umans che vivan en la vischinanza. Las intervenziuns necessarias vegnan fatgas resguardond las cundiziuns e pretensiuns da protecziun localas.

Il plazzal

Il plazzal

Nus construin per Vus al tunnel da l'Alvra. El ha plaunsieu cuntanschì la fin da ses temp da servetsch. Igl è stà necessari d'al sanar u d'al construir da nov. Suenter examinaziuns minuziusas ha la Viafier retica decis l'onn 2010 da construir in nov tunnel a binari metric e da reutilisar il tunnel existent sco tunnel da segirezza.