Corniola da Raibl
Da la construcziun da l'emprim tunnel è la corniola da Raibl sa mussada sco material fitg lom ch'ins po sbuvar tgunsch sur lungs tocs. Ils access d'aua èn dentant s'augmentads cuntinuadamain e suenter 1192 meters han els cuntanschì il maximum. A partir da qua èn las lavurs al plazzal praticamain stadas airi per var 9 mais ed ins ha cuntanschì il granit da l'Alvra stabil sulettamain cun mesiras da sustegn massivas.
|
Lieu |
|
|
1'127.5 m davent dal portal dal tren a Preda |
||
|
|
|
|
|
||
|
Lunghezza |
|
|
109 m |
||
|
|
|
|
|
||
|
Configuraziun |
|
|
Dolomias melnentas e porusas che consistan d'ina matrix da grauns fins cun blers chaviertgs. Quests chaviertgs pon cuntegnair differenta crappa lucca ubain aua, u gist uschè bain esser vids. La corniola da Raibl vegn dividida en trais secturs parzials: La furmaziun da Raibl porusa e sfendagliusa Quest sectur parzial da 36 meters consista da crappa (corniola) endirida, dentant porusa e sfendagliusa. Las sfendaglias èn per part fitg aquiferas. Ruttadiras e distatgaments èn adina in privel tar questa muntogna da stabilitad mediocra. La furmaziun da Raibl endirida levamain Quest sectur da var 40 fin 50 meters consista da muntogna endirida levamain, uschia ch'ins ha pudì far las lavurs da tunnel da lez temp sulettamain cun il zappun (i n'è betg stà necessari da siglientar). La muntogna è probablamain plain sfendaglias plitost stretgas emplenidas cun aua u per part cun lozza. Entras l'emplenida dals chaviertgs ed il crap instabil ston ins quintar cun grondas ruttadiras. La furmaziun da Raibl flottanta Quest sectur da 21 meters vegn definì sco muntogna flottanta. Qua domineschan bleras sfendaglias massivas cun chaviertgs emplenids cun aua e lozza ed igl èn avant maun mo paucas costas da grip stabilas. La muntogna sa cumporta praticamain sco ina pasta. Senza mesiras spezialas ston ins far quint cun irrupziuns da lozza. |
||
|
|
|
|
|
||
|
Consistenza |
|
|
Las caracteristicas idrogeologicas da la corniola da Raibl èn la gronda permeabladad, il sistem da sfendaglias e chaviertgs carstic, la rimnada dad aua sur e sut terra ed in'auta pressiun da l'aua (fin 5 bar) sin il nivel dal tunnel. |
||
|
|
|
|
|
||
|
Disturbi |
|
|
La corniola da Raibl vegn sezza considerada sco disturbi. Il model da basa da la construcziun mussa chaviertgs cun averturas da fin trais meters ch'èn emplenidas cun crappa lucca ed aua. |
||
|
|
|
|
|
||
|
Privels |
|
|
Il pli grond privel èn las irrupziuns d'aua da plirs 10 liters per secunda or da las sfendaglias e las irrupziuns da material nunconsolidà en il tunnel. Ina drenascha exagerada en il tunnel pudess stalivar funtaunas en il territori da l'Alvra. Plinavant vegn l'aua persa dal tunnel che deriva da la corniola a cuntegnair blera lozza. La lozza che resulta da las lavurs da tunnel staupa ils conducts ed è in'ulteriura sfida per la drenascha dal plazzal. |
Gia ils patruns da construcziun da l'emprim tunnel da l'Alvra èn stads confruntads cun grondas sfidas durant la penetraziun da la corniola da Raibl enturn il 1900, sco quai ch'in memorial da dr. Friedrich Hennings da l'onn 1908 dat perditga:
«Ins ha cuntanschì in sectur, nua che la corniola ha pers sia stabilitad tras l'aua sculanta, uschia che la grippa lucca è sa midada en in sablun da glitta fin.
En questa muntogna flottanta pon ins avanzar sulettamain cun sustegnair bain il plazzal. Durant questa lavur nunproductiva ha l'interpresa pers pli e pli il curaschi ed ils organs da la direcziun da construcziun han stuì cuntinuar a partir dals 18 d'october cun las lavurs da questa perfuraziun dal tunnel. Pervia da l'aua fraida che vegn da surengiu e da sutensi avanz'ins mo plaun a plaun e quai malgrà ina squadra capabla e gronds sforzs. En 2 ½ mais èn ins avanzà mo 6.3 m. Ins ha pudì duvrar sulettamain 70 m3 dal material da stgavament, 1500 m3 han ins stuì transportar davent. Cura ch'ins è arrivà la fin da december 1900 en ina profunditad da 1205 m, n'èsi betg reussì da montar in'ulteriura rischla. Las lavurs en la galaria èn damai vegnidas interruttas.»
