Il material dal stgavament vegn reutilisà
Il crap rut ora dal grip vegn giuditgà en il tunnel tenor sias caracteristicas ed attribuì ad ina classa da material. Alura vegn el transportà sin la plazza da preparaziun a Preda. Qua vegn il material deponì en il lieu da stgargiada, zavrà en recipients da rument intermediars e manà en il lieu da destinaziun.
La finamira è da reutilisar uschè bler material da stgavament sco pussaivel. Il crap brut rut ora vegn attribuì tenor sias caracteristicas als pli differents intents d'utilisaziun. I vegn differenzià tranter quatter classas da qualitad cun las suandantas pussaivladads d'utilisaziun:
|
classa da material 1 |
|
|
per glera dira/glera da viafier |
||
|
classa da material 2 |
|
|
per granulaziuns (agiunta al betun, maschaidas da glera e sablun) u cuvridas |
||
|
classa da material 3 |
|
|
per cuvridas u emplenidas nunpretensiusas |
||
|
classa da material 4 |
|
|
betg reutilisabel (per deponer) |
En il project dal nov tunnel da l'Alvra vegnan materials bruts da la classa 1 elavurads a glera da viafier per l'entira rait da la Viafier retica. Il material da la classa 2 vegn rut a granulat, transportà en ina deponia temporara ed agiuntà al betun u reutilisà sco sablun grop per construir las vias sin il plazzal. Il material che vanza vegn transportà davent cun la viafier. La crappa nunadattada da las classas 3 e 4 na vegn betg utilisada. Ella vegn deponida a Las Piazzettas.
Sin fundament da la prognosa geologica pon ins quintar cun la suandanta explotaziun da materials da construcziun prezius dal stgavament:
|
glera da viafier |
22'300 fin 27'900 tonnas |
||||
|
granulat |
164'500 fin 286'500 tonnas |
Il material brut da la classa 1 vegn elavurà a glera da viafier en l'implant da glera sin la plazza d'installaziun a Preda e transportà davent per gronda part da la viafier. Las cumponentas restantas vegnan preparadas ensemen cun la crappa da la classa 2 a differents granulats. Sch'il material na vegn betg gist duvrà u en cas da stretgas da capacitads en l'implant da glera, vegn la crappa transportada sur ina tschinta da transport en la deponia temporara Las Piazzettas.
Il stgavament da la classa 3 vegn manà directamain da la plazza d'installaziun sur la tschinta da transport a la deponia Las Piazzettas e deponì là temporarmain. En cas ch'i dovra material da cuvrida, po quel vegnir transportà sin la medema via enavos a la plazza d'installaziun. Cas cuntrari vegn el integrà definitivamain en la deponia. Il material da la classa 4 vegn manà direct sur la tschinta da transport a la deponia ed integrà là.
