En la bella Engiadin'Ota: Bever
Tgi che tschertga autenticitad la chatta a ed enturn Bever. Bever è l'Engiadina spira, en sia furma oriunda. Il vitg è genuin sco nagin auter, la natira è intacta e selvadia.
Igl è la cumbinaziun dal scharm dir engiadinais, da la quietezza e da la vischinanza a la natira che caracterisescha Bever. Situà sin 1'700 m s.m. amez l'Engiadin'Ota vala Bever sco il vitg il pli «originar» da l'Engiadin'Ota. Il center dal vitg furman edifizis istorics: bels parcs dattan perditga da temps passads e dal gust e la schientscha culturala da las famiglias ritgas che han fatg viadis lunsch enturn. Edifizis grondius cun bellas stivas ed arvieuts cuntrasteschan cun las chasas engiadinaisas massivas.
La pitschna vischnanca muntagnarda è s'adattada a moda armonica a la cuntrada originara enturn ed enturn. La Val Bever carmala cun ina natira e quietezza per gronda part intacta. La val dal Beverin è strusch populada ed è dapi il 1971 ina zona da paus alpina. Per il turissem vegn ella tratga a niz moderadamain: la stad envida la cuntrada cun turas d'exploraziun a pe u cun il bike. L'enviern fullan ins tras la naiv cun gianellas e giauda la solitariadad da la val u fa sias rundas cun ils skis da passlung.
