Sin ils fastizs da l'istorgia da la viafier: il Museum da viafier Alvra a Bravuogn
I spetga in viadi en il temp dals piuniers da la viafier! En il Museum da viafier Alvra a Bravuogn datti da scuvrir per pitschens e gronds fans stgazis da passa 100 onns istorgia da la viafier.
Il Museum da viafier Alvra a Bravuogn maina amaturs da la viafier e famiglias tras l'istorgia da la viafier dal Grischun. 600 objects d'exposiziun da passa 100 onns istorgia da viafier dattan perditga d'acts da pionier en il Grischun, da las persunas che han furmà la viafier – e da cuntradas ch'èn vegnidas furmadas dad ella. Uras da staziun messas ord servetsch, documents istorics u plans da las construcziuns d'art mussan l'istorgia e l'impurtanza da la lingia dal Patrimoni mundial da l'UNESCO tranter Tusaun e Tirano.
Per pitschen e grond datti en il Museum da viafier Alvra da scuvrir e vesair bain inqual chaussa: uffants e fans da la viafier reglan il simulatur da viadi da la locomotiva da crocodil, traffitgauners e laics sa smirveglian en il lavuratori da models u s'infurmeschan en l'exposiziun temporara u en l'exposiziun da divertiment.
Tgi che vul sfunsar anc pli profund en l'istorgia da la viafier sa metta en viadi sin la Via da divertiment Alvra. Tranter Bravuogn e Preda vegn vesaivel tge che vul dir lavur da piunier svizra: durant viandar per lung dal torrent schuschurant, circumdà da muntognas impussantas, ves'ins differentas construcziuns d'art impressiunantas a pitschna distanza.
Slideshow
En il Museum da viafier Alvra a Bravuogn datti da scuvrir per pitschens e gronds fans stgazis da passa 100 onns istorgia da la viafier.
